विपद् जोखिम नरहेका जिल्लामा सार्वजनिक सेवा सुचारु गर्न गृहको निर्देशन
काठमाडौ । गृह मन्त्रालयले विपदको जोखिम नरहेका तथा प्रतिकार्यमा संलग्न नरहेका जिल्लाहरूमा सोमबारदेखि सार्वजनिक सेवा सुचारु गर्न गराउन निर्देशन दिएको छ ।
असोज १९ गते मन्त्रालयले आज एक विज्ञप्ति जारी गर्दै देशभरका जिल्ला प्रशासन कार्यालयहरूलाई पत्राचार मार्फत उक्त निर्देशन दिएको हो ।
मन्त्रालयका शाखा अधिकृत सुमन भट्टराईले हस्ताक्षर गरेको विज्ञप्तिमा विपदको जोखिम नरहेका तथा प्रतिकार्यमा संलग्न नरहेका जिल्लाहरूमा सार्वजनिक सेवा सुचारु गर्न गराउन देशभरका जिल्ला प्रशासन कार्यालयहरूलाई उक्त निर्देशन दिएको विज्ञप्तिमा भनिएको छ ।
सरकारले यसअघि विपद्को सम्भावित जोखिम कारण आज र भोलि दुई दिन सार्वजनिक बिदा दिएको थियो । तर, बाढीपहिरोका कारण राजमार्गहरू अवरुद्ध हुँदा दशैँ मनाउन घर गएकाहरू कार्यस्थलमा फर्किन अझै समय लाग्ने देखिएको छ ।
